CECELEPO

Muka Langsung Nau-nau

Mangaku setubuhi ana tiri gara-gara emosi, laste, bapa Ananias Lawalata (43) dapa dia pung tabaku. Jaksa Penuntut Umum (JPU) tuntut 10 taong langsung. Ananias dia pung muka langsung nau-nau.


Selasa, 1 September 2029 kamaeng, JPU Lilia Heluth tuntut dia bersalah deng pasal 285 KUHPidana jo pasal 64 ayat (1) KUHPidana.

Bapa tiri tar atorang ini, su mangaku waktu sidang sebelumnya kata dia emosi gara-gara sering lia dia pung ana tiri yang su tinggal bersama waktu masih umur 3 tahun itu berpacaran. Dia lalu setubuhi Bunga (bukang nama yang batul) waktu masih kalas 1 SMA. Dia biking hal biadab itu sampe labe dari 10 kali. Terakhir itu pada 22 Januari 2020. “Beta emosi sampe lepas kendali beta cabul beta anak tiri, beta cabul dia labe dari 10 kali, dari dia masih kalas 1 SMA,” akui terdakwa.

Ananias yang pung status PNS, tinggal di Mangga Dua, Kecamatan Nusaniwe, Kota Ambon ini berbuat waktu dia pung bini seng ada dalam rumah.
Partama kali, waktu Bunga pulang skolah langsung dapa marah dar Ananias. Laki-laki tua bangka ini langsung pangge Bunga iko dia dalam kamar. Bunga seng curiga sadiki lae karna dia tau itu dia pung bapa.

Sampe di kamar langsung terdakwa paksa deng ancam Bunga par iko dia pung mau. Dia bilang kalo Bunga seng mau dia akan user kaluar dar rumah, barang Bunga pung marga seng sama deng dia. Karna tako korban iko saja dong dua lalu berhubungan badan macam suami istri. Ananias terus biking dia pung hal bejat ini tarus-tarus saat rumah kosong.
“Kalau se carita ka orang, beta kas kaluar se dari rumah,” acam Ananias.

Bunga pung mama memang su dengar-dengar infromasi kalau ana parampuang su jadi pemuas nafsu suaminya. Tapi kasiang, mama ini seng barani.Antua seng bisa biking apa-apa. barang dong pung hidup Ananias yang tanggung

Mar biar mau sambunyi sampe mana lae. Barang busu pasti tabongkar jua.Pas Bunga datang ka dia tante pung rumah. Dia seng tahang lae, langsung carita samua. Dengar carita Bunga, tantenya marah dan langsung pigi ka Polresta Pulau Ambon dan Pp Lease for lapor Ananias. (*)


======================
--------------------

Berita Populer

To Top